Trëndafili i Majit dhe Vetiveri

nën format kaçurrela të shkronjave u formuan fjalë,
çaste të përmbajtura në
mahnitjen time si ankth,
të fryrë nga erërat në flokët e tu
që përhapnin aromën e trëndafilit të Majit dhe atë të vetiverit

tani po numëroj lythet në lëkurë
për të gjitha ato ditë që të kam munguar,
për të gjitha ato prekje që më drithëruan qenien,
për të gjitha ato frymëmarrje të fjalëshme në veshin tim të djathtë
që i folën një ringjalljeje zemrës sime

bota fle rëndë së fundmi,
ëndrrat episodike e seriale u bënë vizion
u bëra një emanacion shumështresor,
i papërlyer në zemër,
një foshnjë pa mëkat me tullumbace
në të dy vrimat e hundës,
me lotin që rrotullohet në syrin e majtë — duke rrëshqitur mbi faqen e skuqur,
poshtë qafës për të puthur zemrën tënde.